Co motivo do
día da nai celebrado o primeiro domingo de maio eleximos este conto. Os nenos e nenas falaron das cousas que máis lles gusta das súas nais pero... qué ocorre cando as mamás se enfadan? qué cousas fixemos para facelas enfadar?
A mamá de Marquiños estaba tan anoxada que empezou a botar fume pola boca coma se fose un dragón. Ao momento, o seu nariz converteuse nun biquelo; e a súa orella esquerda, nunha asa. Un pouco despois Marquiños recollía do chan unha teteira qeu se parecia moito a súa nai. Asustado, o neno foi ver a súa veciña, a avoa Lubi, o tío Xesús, o amigo Paco, o bibliotecario, o señor Ignacio... pero ninguén parecía capaz de arranxar aquilo. Este conto, que engancha dende o primeiro momento, está cheo de sentido de humo. Mediante a combinación do cotiá e do inesperado, trasládanos a un mundo fantástico e cheo de ritmo onde calquera cousa pode suceder.
Despois de contar o conto e sorprendernos co que ocorre, debemos encontrar un final. O alumnado foi moi creativo ideando finais para este conto:
- Marquiños esperta dun sono, tras outro, tras outro, tras outro... ata que o final percátase de que se non rompe o xarrón, mamá non se convertirá en teteira. Así que con moito coidado, érguese da cama sen estragar nada
- Cando rompe o xarrón, saen disparadas flores por todo o cuarto e mamá ponse tan contenta por ver tantas cores que non se enfada, e non se corvirte en teteira
- Mamá e marquiños entran nunha tenda a mercar un xarrón novo e máis bonito co anterior.
- Marquiños pásase todo o día pegando cada trociño do xarrón e así mamá non se convirte en teteira.
- Mamá vai a espertar a Marquiños, comezan a saltar os dous na cama e é mamá quen rompe o xarrón favorito. Marquiños e mamá convírtense en teteira.
E moitos máis
O alumnado fixo unha ficha onde ilustrou o seu final e escribiu o que aconteceu
Na seguinte semana traballamos as adiviñas da primavera. Os nenos e nenas fixeron unha ficha na que tiñan que pintar a resposta á adiviña que lles leía e logo escribir o seu nome. Na seccións de adiviñas deste blogue podédelas ver.
Na última semana fixemos un pouco de teatro, representando varias escenas do conto. Qué bos actores temos neste centro!!!!